Heimleiðisfundurin seinnapartin fríggjadagin 17. februar 2012 gjørdist eitt væl eydnað tiltak. Heilt fitt av fólki var komið - nógv við tilknýti til vinnulívið - at lurta eftir teimum mongu framløgunum á fundinum.
Tey, ið løgdu fram vóru Annika Olsen, landsstýriskvinna við norðurlandamálum, Johan Dahl, landsstýrismaður við vinnumálum, Marita Rasmussen, stjóri í Vinnuhúsinum, Herálvur Joensen, leiðari fyri føroysku uttanríkistænastuni og Annita á Fríðriksmørk, samskipari av Halló Norðurlond.
Framløgurnar vóru á skandinaviskum eftir sum fleiri norrønir gestir vóru við á fundinum. Talan eru um stjórarnar/aðalskrivararnar í hinum londunum, sum vóru komin til Føroya í samband við at Foreningen Nordens Forbund, FNF, helt sín stjórafund í Føroyum.
Heri Á. Simonsen tók framløgurnar upp, og tær kunnu síggjast á leinkjunum niðanfyri.
- Annika Olsen: Landsstýriskvinna í Norðurlandamálum
- Marita Rasmussen, stjóri í Vinnuhúsinum
- Herálvur Joensen, leiðari fri uttanríkistænastuni
- Annita á Fríðriksmørk, Halló Norðurlond
- Johan Dahl, landsstýrismaður
Myndir
